என்  ராஜ்ஜியம்

என் ராஜ்யத்தில் காரமில்லை, கசப்புமில்லை.
இங்கு இதயத்தில் நல்லெண்ணம் மட்டுமே உண்டு.

என் ராஜ்யத்தில் கசாப்பு கடைகளுமில்லை.
வெட்டுவோரும், "வெட்டி" வேலை செய்பவரும் இங்கு இல்லவே இல்லை.

என் ராஜ்யத்தில் " ஈகோ" இல்லை.
தன்னடக்கமும் அவை அடக்கமும் என் மக்களும் உடன்பிறப்புகள்.

என் ராஜ்ஜியம் பற்பல " சமதுவபுரங்களின்" குடி இடம்.
இங்கு உயர்வு தாழ்வு எதுவுமில்லை.

என் ராஜ்யத்தில் புறத்திலிருந்து தாக்குபவருமில்லை.
எங்கள் புறங்களை அந்தப்புரத்தில் விட்டு விடுகிறோம்.

என் ராஜ்ஜியத்தில் அன்பும் அரவணைப்பும் மட்டுமே உண்டு.
அன்பினால் இணையாத இதயங்கள் எவ்வுலகிலுமில்லை.