Friday, May 20, 2016

கார்கில்

கடமை வீரர்கள் குவிந்த இடம் கார்கில்
கவலையின்றி வாழ்வது அவர்கள் பொழிந்த கருணை முகில்.
காதில் கேட்டதில்லை வார்த்தை " திகில்",
கண்காணா இடத்திலிருந்த போதிலும் இருக்கிறீர்கள் மனதின் அருகில்.

கடுமையான பனி பிரதேசங்களில்,
காப்பீர்கள் நீங்கள் எங்களை உங்கள் சிறகுகளில்,
கற்பிழக்கும்  பாகிஸ்தானின் "திமிர்" துகில்,
கற்பிபீர்கள் பாடம் அடங்கி போவதில்.

காவி அரசு உசுப்பி விட்டதில்
காண முடிந்தது போர் முகில்
காங்கிரஸ் கூறும் குற்ற சாட்டில்
காண முடிந்தது அரசியல் நெடியதனில்.

காலமே சொல்லும் " பாக்குக்கு" தக்க பதில்,
காலை ஒடித்து வைக்கும் தக்க சமயத்தில்
கவலை படேல் கடமை வீரர்களே நீங்கள் இதில்,
கண் இமைப்பதற்குள் கோட்டினை காப்பதில்,
கண்டம் ஆசியாவில் எங்கள் வாழ்த்துண்டு மனதினில், உதடுகளில்,
கண்டதுண்டமாய் வெட்டினாலும் எங்கள் உதிரத்தில்.

Thursday, May 19, 2016

கந்தன் கருணை

வேல் உண்டு வினையில்லை,
மயில் உண்டு பயமில்லை.
குகன் உண்டு குறையில்லை,
காப்பது உண்டு காக்க வைபதில்லை.

குமரனின் காலடியில் விரிந்த சோலை,
கிரோம்பேட்டை எனும் இந்த பூஞ்சோலை
குதூகலிக்கும் குடும்பங்களின் குவளை
குன்றாத, குறையில்லாத இன்பக்குவியலை.

கவிதையில் இருக்கிறதோ இல்லையோ எதுகை மோனை,
கண்டிப்பாக உண்டு கந்தன் கருணை.
கந்தனுக்கு இருபுறம் வள்ளி தேவயானை
கவின்ஞனுக்கு இருபுறம் கற்பினை கற்பனை.

Wednesday, May 18, 2016

கேரளம்

கடவுள் " அவனின்" திருநாடு,
கேரளம் எனும் பெருநாடு.

கேளிக்கை நீ பெறுவாய் நாடு,
கேட்ட வரமெல்லாம் கிடைக்கும் நன்னாடு.

ஓடிவரும் சிற்றாறுகள், கூடிவரும் குற்றாலங்கள்.
ஒதிவிடும் நிறைவு, குடிபுகாது இங்கு குறைவு.

கேரளமே, உன்னில் எத்தனை எளிமை ?
கேள்வி ஞானம் தானா உனக்கு கொடுப்பது வாடா இளமை.

இதுவா என் முதல் விஜயம் ?
இங்கு அடிக்கடி வருவேன் இனி நிச்சயம்.

என்னுள் கவிஞ்ஞனை தட்டி எழுப்பினாய்,
என்றும் எல்லோர்க்கும் எளிமையும், எல்லை இல்லா மகிழ்ச்சியையும் அளிப்பாய்.

Monday, May 16, 2016

சொக்கலிங்கா

சொல் செயல் திறனெல்லாம் உனக்கு அடிமை,
சொக்கிப் போயி நிற்க வைப்பதோ உன் கடமை.

செருக்குடன் உன்னை தொழுவோரின் மடமை,
செதுக்கி வைப்பதோ உனது இயல்புடமை.

சென்ற இடம் எல்லாம் உன்  மகிமை ,
செப்பிட முடியாது  உன் பெருமை,
செவிகள் போதாத எங்கள் நிலைமை,
செழுமை நடுவில் காணும் போதாமை.

செம்மையான வளர்ச்சிக்கு நீ தாங்கும் தலைமை,
செவ்வனே நீக்கி விடும் எமது அறியாமை,
சொற்றொடர்களில் எனக்கு நீ தந்த வலிமை
சொல்லுக்கடங்க வில்லை இந்த சனிக்கிழமை.

Sunday, May 15, 2016

என்  ராஜ்ஜியம்

என் ராஜ்யத்தில் காரமில்லை, கசப்புமில்லை.
இங்கு இதயத்தில் நல்லெண்ணம் மட்டுமே உண்டு.

என் ராஜ்யத்தில் கசாப்பு கடைகளுமில்லை.
வெட்டுவோரும், "வெட்டி" வேலை செய்பவரும் இங்கு இல்லவே இல்லை.

என் ராஜ்யத்தில் " ஈகோ" இல்லை.
தன்னடக்கமும் அவை அடக்கமும் என் மக்களும் உடன்பிறப்புகள்.

என் ராஜ்ஜியம் பற்பல " சமதுவபுரங்களின்" குடி இடம்.
இங்கு உயர்வு தாழ்வு எதுவுமில்லை.

என் ராஜ்யத்தில் புறத்திலிருந்து தாக்குபவருமில்லை.
எங்கள் புறங்களை அந்தப்புரத்தில் விட்டு விடுகிறோம்.

என் ராஜ்ஜியத்தில் அன்பும் அரவணைப்பும் மட்டுமே உண்டு.
அன்பினால் இணையாத இதயங்கள் எவ்வுலகிலுமில்லை.

Saturday, May 14, 2016

பொங்கல்

கரும்போடும் கனிவோடும் வந்தது பொங்கல்,
கண்முன் நிறுத்தியது பல வண்ணங்கள்.
கவிதைகள் பொங்கின என்னுள் பொங்கலோ பொங்கல்
களைப்பின்றி எழுதிடுவேன் நான் இந்த திங்கள்.

காலையில் கண்டேன் ஏழையின் ஒளிமய கண்கள்,
கசக்கி பிழிந்து அவன் கட்டிய கந்தல்,
கலங்கிய என் மனம் பட்டது பல துன்பங்கள்,
கண்ணா! இன்னும் இருக்கிறார்கள் பல த்ரௌபதிகள்.

காசையும் பதவியும் அனுபவிக்கும் கட்சி மாறிகள்,
கடினங்களும் கண்ணீரையும் காண மாட்டார்கள்.
கடவுளே யன்றி வேறு எவர்கள் எங்கள் துணை வருவார்கள்?




Friday, May 13, 2016

Looks like 1 poem got left out for the count of 14 poems in 14 days in May so far. Hence adding this poem today. Enjoy.


ஏக்கம்

ஏக்கத்தில் நீ தவிக்க,
எதிர்நோக்கி நா தழு தழுக்க,
எங்கிருந்தோ நான் வந்து
எட்டியுனை கட்டியணைக்க.

எஞ்சியதை நீ முடிக்க
எரிமலையாய் காதல் வெடிக்க
எவ்வண்ணம் எடுத்துரைக்க
என்னவளே உன் பேரழகு?

எண்ணமெல்லாம் நீ
என்னுயிரும் நீ
எந்த திசையிலும் நீ
எனை ஆட்கொண்ட தீ.

எப்படியணைப்பேன் உன்னை?
எப்படி அடைவேன் குளிர்ச்சி, கிளர்ச்சி, மகிழ்ச்சி, மறுமலர்ச்சி?
எடுதுரைப்பாய் எள்ளளவேனும்.