Saturday, May 7, 2016

கால்வாய்

சலிக்காமல் சாக்கடையாய் ஓடுகிறதே கால்வாய்,
சடாரென தூக்கி எரிவாறே தவிர எனக்கு தருவாரா "கால்" வாய்?

சனிக்கிழமை தோறும் சுத்திகரிப்பு,
சாலையில் செல்வோருக்கு பரிதவிப்பு.

சகட்டு மேனிக்கு கொட்டுவார் இங்கு குப்பை,
சரிந்து கிடக்கும் தொட்டி, சாய்ந்த தொப்பை.

சுத்தம் கடவுள் தாங்கும் மித்தம்,
சுத்தம் செய் உன் வீடு நித்தம்.

சாக்கடை நாறத்தான் செய்யும் நீ போடும் குப்பையினால்,
சாக்கடை நாரியும் போயிடும் சுத்தம் செய்யாமல் போனால்.

சிறுவருக்கு பயிற்சி அளிப்போம்,
சிறுநீரை வீட்டிலேயே கழிப்போம்.

Friday, May 6, 2016

தவப்பலன்

காலம் நெய்த நூல்,
காலத்தினால் அழியாத நூல்.
ஆயிரங்காலத்து பயிர்,
அவளே என் உயிர்.

தோழமைக்கு ஒரு தோள்,
தோல்விக்கு மறு தோள்,
வெற்றிக்கு பாராட்டு
வெறும் கையினால் முதுகில் ஷொட்டு.

என் இன்பம் தன் இன்பமென
என் துன்பம் தன் துன்பமென,
எண்ணிய மங்கை இவள்,

(எனது ) எத்தனை ஜென்ம தவப்பலனோ?

Wednesday, May 4, 2016

கட்டுப்பாடு

இவர்கள் தெருவோர பார்வையாளர்கள்,
வேடிக்கை பார்பர், வேதனை படமாட்டார்.

இவர்கள் நுனிப்புல் மேய்பவர்கள்,
புல்லின் நுனியையே புல்லாக மேய்ப்பர்.

இவர்கள் தேனிக்கள் அல்ல, தங்கள் கூடு அழிந்தாலும் மற்றவர்களுக்கு தேன் அள்ளி வழங்கிட,
இவர்கள் படாம்பூசிகள், இனிமையான தேனை இவர்களே பருகிட.

இவர்களுக்கு என்று வரும் வேலையில் ஈடுபாடு?
இனியாவது கடை பிடிப்பாரா கட்டுபாடு?

இளமையில் எளிமை தேடும் இதயங்களே,
இமை மூடும் நேரத்திற்குள் வரும் முதுமை என்னும் சத்தியன்களே.

வாட்டர்  டான்கர்

அரைத்து தள்ளும் வேகத்தில் தளும்பியது நுரைத்து தள்ளும் குடிநீர்,
ஆவலுடன் எதிர் பார்த்தும் வரவில்லை மேகத்திலிருந்து ஒரு சொட்டு மழைநீர்.

இவற்றின் பெயர் " வாட்டர் டான்கர்",
இவை வரும் போது கூவுகிறோம் " டேஞ்சர்".

குளிக்க கேட்கவில்லை அய்யா குடம் நிறைய நீர்,
குடிக்கவாவது கொடுங்கள் கருணை காட்டி " நீர்".

வறண்டு விட்டது சென்னை வானம்,
வலிய வந்து பாடுவானா வருணன் இன்றாவது கானம்?

குண்டும் குழியுமாகியது தார் ரோடு?
குறைகளை கூறி முறையிடுவேன் நான் யாரோடு?

Tuesday, May 3, 2016

நாய்க்குட்டி

மழையில் நனைந்த நாய்க்குட்டி,
மல்லாந்து படுப்பது வெகு சுட்டி.

மலரென நனைந்தாயோ?
மழலை பேச நினைத்தாயோ?

மானிடர்களை கண்டு ஒளிந்தாயே,
மனமில்லாதவர்களா நாங்கள்?

மலங்க மலங்க முழிதாயே,
மழையில் காணவில்லையா உன் தாயை?

"மார்னிங்" வேளைக்கு நீ ஒரு ஊக்கம்,
மலர்ந்த மொட்டாய் அளித்தாய் மயக்கம்.

Sunday, May 1, 2016

வாயாடி

வாயாடி பற்றி எழுத சொன்னால் ஒரு வரி,
(சுற்றி) வளைத்து எழுதாமல் இருந்தால் அதுவே சரி.

வாரி வழங்குவாள் அவள் வார்த்தைகளை,
வாயடைத்து போயி பார்ப்பேன் அந்த தவளையை.

வாலிபத்தில் இருக்கும் வஞ்சி வாய் கிழிந்தால்,
வாலிபர் நெருங்கிட நேரி, ஆட்டிடுவார் வால்.
வயதையும் வம்பையும் வட்டத்திற்குள் அடக்கி,
வன்முறையை தூண்டாது அனைவரையும் மடக்கி,
வகுத்து வைத்த பாதையில் அவரை செலுத்தி,
வழி காட்டிடவேண்டும் வாயாடி ஒருத்தி.

வரி ஒன்றை கேட்டால் பத்து கொடுத்தேன்
வாயாடி ஆட்கொண்டதால் வரம்பு மீறினேன்.
வலிமையையும் வள்ளல் குணமும் பெற வாழ்த்திடுவேன்
வார்த்தைகளில் அல்ல, வழி காட்டுவதில், வழி வகுப்பதில், வழியாமல் இருப்பதில்.

Saturday, April 30, 2016

விநாயகர் அகவல்

விநாயகர் அகவல்

அகவலை படித்தேன்,
அகத்தினுள் மகிழ்ந்தேன்.

அல்லல்கள் ஓடிட கண்டேன்,
அல்ல இது உண்மை என்பவரும் நம்பிட கண்டேன்.

அகிலமெல்லாம் உன்னுடன் துவங்கும்,
அகலமான பாதைக்கு உன் துதி வழி காட்டும்.

அம்பிகை மைந்தா,
அருட்கை வேந்தா.

அன்றாட நானுனை பாட,
அருள் புரிந்த நீ கண்ணுக்கு விருந்தா, செவிக்கு விருந்தா?
உள்ளத்தின் மருந்தா?